Hvers vegna brjóstalyfting?

Við erum öll misjafnlega sköpuð og þetta gildir einnig um brjóst kvenna. Brjóstin geta verið mjög mismunandi í stærð, formi og lögun. Þessi aðgerð er oft gerð samfara brjóstastækkun eða brjóstaminnkun.

Algengar spurningar

Algengar spurningar fyrir þessa aðgerð snúast yfirleitt um ör, tilfinningu í brjóstum og brjóstagjöf. 

  • Við brjóstaminnkun myndast alltaf ör i kringum geirvörturnar, niður frá geirvörtu og undir brjóstin en það tekur örið hálft til eitt ár að verða mjúkt og ljóst.
  • Tilfinningin í geirvörtu getur minnkað eftir aðgerðina.
  • Þessi aðgerð hefur ekki mikil áhrif á brjóstagjöf.
  • Barnshafandi konur eiga að láta kvensjúkdómalækni sinn vita ef þær hafa farið í brjóstaminnkun en um helmingur kvenna getur mjólkað eftir þessa aðgerð.

Í stuttu máli: Brjóstalyfting er mjög svipuð aðgerð og brjóstaminnkun. Munurinn er sá að það er ekki fjarlægður kirtilvefur frá brjóstinu, aðeins húð.  Því verður venjulega ekki breyting á mjólkunareiginleikum og venjulega engin breyting á tilfinningu í geirvörtunni eins og við brjóstaminnkun.

Undirbúningur fyrir aðgerðina

Ekki taka lýsi eða omega 3 fitusýrur í viku fyrir aðgerð. Bólgueyðandi verkjalyfjum
skal sleppa í a.m.k 5 daga fyrir aðgerð, því þessi lyf eru blóðþynnandi.

Fasta frá miðnætti aðgerðardags.

Farðu í sturtu að morgni aðgerðardags en slepptu rakakremum á líkamann á eftir.

Mættu í þægilegum fötum og fáðu einhvern til að sækja þig og fylgja þér heim eftir aðgerð því verkjalyfin hafa áhrif á akstursgetu.

Hvernig fer aðgerðin fram?

Lýtalæknirinn teikar á brjóstin til að kortleggja aðgerðina, hann tekur svo ljósmyndir til að bera saman við árangur aðgerðarinnar seinna meir.
Aðgerðin er gerð í svæfingu og tekur um tvo klukkutíma. Auka húð er tekin og brjóstinu lyft upp, þá er geirvarta færð upp í eðlilega hæð.

Þegar þú vaknar máttu búast við vægum óþægindum en ekki miklum verkjum. Þú færð verkjalyf hjá okkur og þegar þú ert orðin vel vakandi færð þú að fara heim. Sá eða sú sem sækir þig þarf að koma upp og fylgja þér út í bíl. Verkjalyf eru sett í gáttina sem þú getur tekið með þér á leiðinni heim.

Bataferlið

Strax eftir aðgerð er mest hætta á blæðingu fyrstu 6 -12 klukkustundirnar. Ef brjóstið bólgnar skyndilega upp áttu að hafa samband strax. 

Mest hætta á sýkingu er á fyrstu 1-2 vikunum. Ef brjóstið verður skyndilega aumt, roði myndast í kringum skurðinn, líkamshiti fer yfir 38.5 (þó er hiti fyrstu 1-2 dagana eðlilegur og stafar af svæfingu) eða bólga eykst, áttu að hafa samband strax.

Fyrstu vikurnar er brjóstið svolítið bólgið og hart en það lagast að mestu á nokkrum vikum. Það tekur þó lengri tíma að losna við alla bólgu.

  • Til að ná sem bestum árangri eftir aðgerðina áttu að nota stuðnings brjósthaldara í að minnsta kosti þrjár vikur, bæði dag og nótt.
  • Gott er að nota ákveðna plástra eða bera krem sem læknirinn ráðleggur þér að nota á örin.

ATH: Út til hliðanna, þar sem örið endar, myndast stundum smá húðfelling. Þetta jafnar sig oftast, en þarf einstaka sinnum  að lagfæra eftir á með smá aðgerð í  staðdeyfingu. Þetta skoðum við hálfu ári eftir aðgerð.

Fleiri brjóstaaðgerðir hér.

Aðrar aðgerðir: