• Before-Brjóstastækkun
    After-Brjóstastækkun
    FyrirBrjóstastækkunEftir
  • Before-Brjóstastækkun hægri hlið
    After-Brjóstastækkun hægri hlið
    FyrirBrjóstastækkun hægri hliðEftir
  • Before-Brjóstastækkun vinstri hlið
    After-Brjóstastækkun vinstri hlið
    FyrirBrjóstastækkun vinstri hliðEftir

Hvers vegna brjóstastækkun?

Brjóstastækkun er ein algengasta aðgerðin sem fegrunarlæknar framkvæma hér á landi en frá því árið 1963 hafa silikon- og saltvatnspúðar verið á markaðnum til brjóstastækkunar. Hægt er að leggja púðana gegnum skurð undir brjóstið,  í geirvörtu eða í handarkrika.

Venjulega eru púðarnir lagðir í gegnum skurð undir brjóstinu (ca 4 cm) þar sem við hinar aðferðirnar er meiri hætta á aukaverkunum. Púðana er hægt að leggja ofan á eða undir brjóstvöðvann en læknir metur hvað hentar þér best.

Oftast  eru púðarnir lagðir undir vöðvann en með því minnkar hættan á aukaverkunum eins og herpingu (kapsúlumyndun). Í viðtali fyrir aðgerð er farið yfir hvaða púðar henta best.

Vert er að taka fram að Ágúst lýtalæknir hefur aldrei notað PIPP púða. Hann hefur notað púða frá medor frá árinu 2008. Þetta eru mest rannsökuðustu púðar í heiminum og hafa reyst mjög vel. Það eru 1 á móti 80.000 sem fá krabbamein út frá þessum púðum. Sem er afar sjaldgæft.

Undirbúningur fyrir aðgerð

Ekki taka lýsi eða omega 3 fitusýrur í viku fyrir aðgerð. Bólgueyðandi verkjalyfjum skal sleppa í a.m.k 5 daga fyrir aðgerð því þessi lyf eru blóðþynnandi.

Fasta frá miðnætti aðgerðardags.

Fara í sturtu að morgni aðgerðardags. Sleppa alveg að bera rakakrem á líkamann.

Koma í þægilegum fötum og skóm. Mæta með íþróttatopp sem þú ferð í eftir aðgerðina.

Hafa einhvern til að sækja sig, því aðgerðin er gerð í svæfingu og þú mátt ekki keyra bíl eftir hana.

Hvernig fer aðgerðin fram?

Fyrir aðgerð hittir þú Ágúst og hann skipuleggur aðgerðina og fer yfir hana með þér.

Aðgerðin er gerð í svæfingu og tekur um eina klukkustund. Eftir aðgerðina ferð þú á vöknun og jafnar þig eftir svæfinguna. Þú getur vaknað upp með þrýstingstilfinningu yfir brjóstinu sem er alveg eðlilegt. Þú færð verkjalyf eftir þörfum.

Bataferlið

Eftir aðgerðina  þarftu að taka verkjalyf (færð lyfseðil hjá okkur) og átt að taka því mjög rólega – hvíla þig vel. Þú mátt ekki reyna á þig og átt að hreyfa þig hægt og rólega. Með því minnkar þú líkurnar á blæðingu, bólgan verður minni, verkirnir minni og minni hætta á sýkingu.

Blæðingarhætta er mest á fyrstu 6-12 klst eftir aðgerð. Ef brjóstið bólgnar allt í einu upp áttu að hafa samband við okkur strax. Eins og við allar aðgerðir er alltaf einhver hætta á sýkingu – oftast í 1-2 vikur eftir aðgerð. Ef þú færð hita yfir 38.5, roða í kringum skurðinn, bólgu eða aukna verki áttu að hafa samband strax.

Athugaðu að hiti fyrsta daginn eftir aðgerð er eðlilegur en hann er afleiðing svæfingarinnar.

Til þess að örin grói sem allra best áttu að halda þeim saman með límbandsplástri (Micropore -brúnt frá 3M) í um það bil 3-6 mánuði. Ekki má vera með örið bert i sól i ca 6 mán. eftir aðgerð.

Aðrar aðgerðir: